Gjakovë, 7 qershor 2016 –
Mëngjesin e 7 majit të vitit 1999, Çabrati i Gjakovës agoi nën rrethimin e forcave të shumta të Serbisë.
Në mbrojtje të civilëve doli Brigada 137 “Gjakova”. Luftimet e ashpra mes Ushtrisë Çlirimtare të Kosovës dhe forcave serbe vazhduan deri më 11 maj. Në këto ditë maji të vitit 1999, në Çabrat e në rrethinat e qytetit, ranë 26 dëshmorë e më shumë se 100 martirë.
Mbi 350 civilë të moshave të ndryshme u rrëmbyen me dhunë. Shumë prej tyre u mbajtën peng në burgje të ndryshme.
Për të kujtuar përjetësisht djemtë dhe vajzat që luftuan në betejën e Çabratit, themeluesi i Fondacionit “Behgjet Pacolli”, ka financuar dhe nga afër ka marrur pjesë në përurimin e lapidarit.
I përjetshëm qoftë kujtimi për 1022 martirët dhe 361 ushtarët dëshmorë të Gjakovës!
Lavdi të gjithë të rënëve për lirinë e Kosovës!
Në lagjen “Mulla Jusuf” përbri Urës Monumentale të Taliqit, në Gjakovë, me 7 maj të vitit 1999 në një aksion të planifikuar dhe organizuar hollësishëm, ku ishin të përfshirë forcat e mëdha policiore dhe paramilitare serbe, me ç’rast u kapën dhe pastaj u masakruan 26 banorë të paarmatosur të kësaj lagje.
Për të kujtuar këta martirë dhe veprën e tyre "Behgjet Pacolli" Foundation, ka mbështetur financiarisht ngritjen e këtij monumenti.
Duke folur në këtë manifestim, njëri nga të mbijetuarit e kësaj masakre, Agron Binaku, ka thënë se kujtimi për martirët e kësaj masakre, do të jetë pjesë e pandashme e jetës së banorëve të kësaj lagje dhe të Gjakovës.
“Monumenti i përuruar është një dëshmi e krimit të paparë që kriminelët serb e bënë ndaj popullatës së pafajshme në Gjakovë”, tha Nysrete Kumnova, në emër të shoqatës Thirrjet e nënave.
Fondacioni “Behgjet Pacolli” ka transferuar vlerën prej EU 17.000 në llogarinë e familjes Ademaj nga Peja
Value:
Kryetare e Gjilanit për një ditë në moshën 16 vjeçare, bursistja e fondacionit, Festina Kurteshi, vazhdon të shkëlqej me arritjet e saj
Value:
The Foundation's scholarship holder, Marigona Qerkezi, the soprano who is conquering the world opera stages
Value:
